Dhukkuba Cobxoo Dawaa Dandamachuu 𝐀𝐧𝐭𝐢𝐛𝐢𝐨𝐭𝐢𝐜 𝐑𝐞𝐬𝐢𝐬𝐭𝐚𝐧𝐜𝐞

Dhukkuba Cobxoo maalummaa isaa fi Dandeettii Dawaa dandamachuu isaa sababa wajjin ibsa saayinsaawaa

𝗦𝗲𝗲𝗻𝘀𝗮

Qorannoowwan gurguddoo, surveillance WHO, CDC, ECDC fi systematic review/meta-analysis hedduun akka agarsiisanitti, baakteeriyaan dhukkuba Cobxoo kan (Neisseria gonorrhoeae) jedhamu Qorichoota farra baakteeriyaa hedduu irratti dandeettii dandamannaa cimaa horachaa jira. Dhibeen Kun kanaan dura qorichootaan yaalamee carraa baduu Ol’aanaa kan qabu ta’us, yeroo Dhiyoo as garuu dandeettiin Qorichoonni dhibee kana balleessuuf qaban gadi bu’aa jira, dandeettiin dhibeen kun Qorichaan du’uu didee dandamachuu yookan fayyuu diduu isaa immoo dabalaa jira.

𝐃𝐡𝐮𝐤𝐤𝐮𝐛𝐧𝐢 𝐂𝐨𝐛𝐱𝐨𝐨 𝐦𝐚𝐚𝐥𝐢?

Dhukkubni Cobxoo, kan Afaan Ingiliffaatiin (Gonorrhea/Gonorrhoea ) jedhamu, dhibee baakteeriyaa (Neisseria gonorrhoeae) jedhamuun dhufu yoo ta’u, dhukkuba daddarbaa karaa wal-qunnamtii saalaa darbu keessaa isa beekamaa dha. Hawaasa keessatti yeroo baay’ee “dhukkuba dhiiraa” jedhamee waamamus, dhugaan jiru dhukkubni kun dhiira qofa osoo hin taane dubartii, daa’ima haaraa dhalate, fi nama wal-qunnamtii saalaa irratti hirmaatu kamiyyuu qabuu danda’a. Sababni “dhukkuba dhiiraa” jedhamee beekameef, yeroo baay’ee mallattooleen dhibee kanaa kan akka fincaan gubuu fi dhangala’aan qaama saalaa keessaa bahuu fi kkf dhiira irratti ifatti mul’achuu danda’u; dubartoota irratti garuu mallattoon yeroo hedduu dhokataa yookaan salphaa ta’uu danda’a. kanaaf namoonni dhukkuba dhiiraa jedhu malee dhibeen kun dhibee nama hundaa qabuu danda’udha.

Dhukkubni kun Karaa wal qunnamtii saalaa fi wal dhungachuu fi haadha irraa gara daa’imaatti darbuu danda’a karaalee kanaan baakteeriyaan kun nama Dhukkubstaa irraa gara nama fayyaatti kan darbu yoo ta’u yeroo hedduu dafee mallattoo nama irratti hin Mul’isin, Tiruu danda’a.

Baakteeriyaan kun Sirna Wal Hormaataa fi Qaama saalaa, Gadameessaa fi kkf irratti miidhaa kan geessisu yoo ta’u, yoo utuu hin yaalamin namarra ture, rakkoo Maseenummaa yokan dhala dhabuu namatti fida, carraa ilmoo dhala godhachuu namaa hirrisuu fi daa’imni dhalatu akka ija agartuu dhabu gochuu danda’a.

Cobxoon (Gonorrhea) yeroo waa’een isaa dubbatamu dhibee salphaatti yaalamee fayyuu danda’u fakkaachuu danda’a garuu inni dhukkuboota saalqunnamtiitiin daddarban keessaa isa dhabamsiisuun baay’ee ulfaataa ta’e fi addunyaa irratti hammaataa jiru dha.

Dhibeen kun Dandeettiin dawaa dandamachuu yokaan qorichaan baduu didee qaama keessa turuu yokan dandeettii qoricha dandamachuu (antibiotic resistance) baakteeriyyaa Cobxoo (Neisseria gonorrhoeae) sadarkaa addunyaatti dhiyeenya kana garmalee ol ka’ee jira. Dhaabbanni Fayyaa Addunyaa (WHO) dhibee kana ammaan tana akka qormaata fayyaa hammaataa fi furmaata ariifachiisaa barbaadu taasisee ramadee jira.

𝐃𝐚𝐧𝐝𝐞𝐞𝐭𝐭𝐢𝐢 𝐪𝐨𝐫𝐢𝐜𝐡𝐚 𝐃𝐚𝐧𝐝𝐚𝐦𝐚𝐜𝐡𝐮𝐮 (𝐀𝐧𝐭𝐢𝐛𝐢𝐨𝐭𝐢𝐜 𝐑𝐞𝐬𝐢𝐬𝐭𝐚𝐧𝐜𝐞) 𝐣𝐞𝐜𝐡𝐮𝐮𝐧 𝐦𝐚𝐚𝐥 𝐣𝐞𝐜𝐡𝐮𝐮𝐝𝐡𝐚?

Dandeettii qoricha dandamachuu (antibiotic resistance) jechuun baakteriyaan dhibee Cobxoo fidu kun qoricha isaa balleessuuf ykn ajjeesuuf kennameef harka kennuu didee yeroo ofirraa ittisuu fi dawaa dura dhaabbatu dha. Qorichi sun kanaan dura baakteriyichaa fi dhibee inni fidu salphaatti ajjeesa ykn ittisa ture, Garuu amma Baakteeriyaan bifa isaa jijjiiruudhaan qorichi (antiibaayotikiin) akka isaa hin tuqne ykn akka isaan hin ajjeesne godhu kanaanis Faayidaan dawaa sun Dhiibee sana Fayyisuuf qabu gadi bu’aa ta’uu yokaan tasuma bu’aa dhabuu danda’a!. Dhukkubni Cobxoo dhiheenya kana Dawaalee ammayyaa hedduu irratti dandeettii dandamachuu horataa jira! Namoonni osoo dawaa fudhataa jiranii dhibeen qaama isaanii keessatti itti fufaa jira.

Ragaan WHO dhiheenya ibse akka agarsiisutti, biyyoota qorannoo surveillance gabaasan keessatti bara 2022 hanga 2024 gidduutti dhibbeentaan dawaa dandamachuu resistance qoricha (ceftriaxone) jedhamu irratti mul’ate, 0.8% irraa gara 5% ol ka’eera, qoricha (cefixime) jedhamu irratti immoo resistance 1.7% irraa gara 11% ol ka’e.

Akkasumas Qorucha (ciprofloxacin) irratti sadarkaa baay’ee ol’aanaa, jechuun gara 95%, ga’eera. Kun dhukkubni gonorrhea qoricha duraan dhibee kana yaaluuf hojjachaa ture irraa baay’ee miliqaa jiraachuu agarsiisa.

Dhaabbanni Too’annoo Dhukkubootaa CDC’n akka jedhetti Dhukkubni Cobxoo (gonorrhea) qorichoota kanaan dara yaalaaf tajaajilaa jiran hedduu irratti dandeettii dandamachuu (resistance) horateera; yeroo ammaa dhibee kana yaaluuf filannoon bu’a qabeessa ta’e baay’ee xiqqaataa dhufeera jechuun akeekkachiiseera.

𝐒𝐚𝐛𝐚𝐛𝐚 𝐤𝐚𝐦𝐢𝐢𝐟 𝐲𝐨𝐤𝐚𝐧 𝐘𝐞𝐫𝐨𝐨 𝐤𝐚𝐦 𝐁𝐚𝐚𝐤𝐭𝐞𝐞𝐫𝐢𝐲𝐚𝐚 𝐂𝐨𝐛𝐱𝐨𝐨 𝐝𝐚𝐧𝐝𝐞𝐞𝐭𝐭𝐢𝐢 𝐪𝐨𝐫𝐢𝐜𝐡𝐚 𝐝𝐚𝐧𝐝𝐚𝐦𝐚𝐜𝐡𝐮𝐮 𝐡𝐨𝐫𝐚𝐭𝐚?

Baakteeriyaan Cobxoo (Neisseria gonorrhoeae) Jedhamu gosa baakteeriyaa saffisaan jijjiiramu, qaama namaa keessatti mucosa irratti jiraatu, akkasumas antibiotics irratti of madaqsuuf dandeettii guddaa qabu dha. Namni tokko kan dhukkuba Cobxoo (gonorrhea) qabaatee qoricha dogoggoraa yoo fudhate, hanga dose sirrii hin taane yo fudhate, yookaan qoricha isaaf ajajame jalqabee osoo hin xumurin yoo dhaabe, mallattoon dhibee hir’atee garuu baakteeriyichi guutummaatti hin badu.

Baakteeriyichi qaama keessatti hafee cimaa ta’a, qoricha sana dandamachuu, akkasumas nama biraatti darbuu itti fufuu danda’a.

Kanaaf Cobxoo irratti ofiin qoricha bitanii fudhachuun, qoricha wal irraa hafe fayyadamuun, yookaan “dawaa cimaa” jedhanii ofumaan dawaa kamiyyuu seeraan malee fudhachuun balaa guddaa qaba.

𝙃𝙖𝙖𝙡𝙖 𝙠𝙖𝙢𝙞𝙞𝙣 𝘽𝙖𝙖𝙠𝙩𝙚𝙚𝙧𝙞𝙮𝙖𝙖𝙣 𝙠𝙪𝙣 𝘿𝙖𝙬𝙖𝙖 𝙟𝙚𝙡𝙖𝙖 𝙢𝙞𝙡𝙞𝙦𝙪𝙪 𝙙𝙖𝙣𝙙𝙖’𝙖?

Baakteeriyaan gonorrhea antibiotics jalaa miliquuf mala gurguddoo hedduu fayyadama. Isaan keessaa muraasni kanneen armaan gadii kana dha:

Tokkoffaa, xiyyeeffannoo yokaan target qorichaa jijjiira. 

Qorichi farra baakteeriyaa tokko baakteeriyicha ajjeesuuf qaama murtaa’e yokaan Bakka addaa irratti hojjetu qaba. Fakkeenyaaf qorichoonni (ceftriaxone fi cefixime) jedhaman (cell wall) baakteeriyichaa ijaaru irratti hojjetu. Garuu baakteeriyaan Cobxoo (gene penA) keessatti jijjiirama horachuun (protein PBP2) jedhamu jijjiira; kanaanis qorichi sun baakteeriyaa sana ajjeesuuf akka itti maxxanuu hin dandeenye taasisa. kanaanis xiyyeeffannoo qorichaa jijjiiree of bira dabarsuu danda’a.

Lammaffaa Qorichi akka seelii keessa hin seenne daandii cufa. 

Qorichi farra baakteeriyaa tokko seelii baakteeriyichaa keessa seenuuf porin channels fayyadama, Baakteeriyichi (porin PorB) jijjiiruun dandeettii qorichi seelii keessa seenee baakteeriyaa sana argachuu isaa hir’isuu danda’a.

Sadaffaa baakteeriyichi qoricha seelii keessaa ari’a. 

Qorichi baakteeriyaa kana ajjeesuuf seelii keessa yoo seene illee baakteeriyichi gara alaa baasa.

Baakteeriyyaan Cobxoo seelii isaa irratti pompoota molekulaaraa uuma. Kuni (efflux pump) jedhama.

Qorichi farra-baakteeriyyaa erga seelii baakteeriyichaa keessa galee booda, Baakteeriyaan kun pompiwwa (efflux pump MtrCDE) j fayyadamuun qoricha sana utuu inni baakteeriyicha hin ajjeesin gadi dhiibuun alatti gadi baasanii gatu.

Afraffaa jiniin Wal-dhaalchisuu- HGT

Baakteeriyaan Cobxoo (Neisseria gonorrhoeae) dandeettii addaa kan (natural transformation) jedhamu qaba. Baakteeriyoota gosa Neisseria biroo kanneen dhibee hin uumne garuu kokkee (pharynx) namaa keessa jiraatan waliin DNA isaa wal-jijjiiruu danda’a.

Baakteeriyoota kana irraa (genetic material) fudhachuu danda’a. kanaanis Gene dandeettii dandamachuu qorichaa qaban kanneen akka penA (kan Penicillin-Binding Protein 2 jijjiiru) baakteeriyoota kokkee kanneen irraa saammatee dhufeen qoricha ammayyaa Ceftriaxone dandamachuu danda’eera.

Shanaffaa Inzaayimoota Qoricha Caccabsan (Enzymatic Inactivation)

Baakteeriyyaan Cobxoo plasmid fayyadamee inzaayimii Beta-lactamase (tem-1) oomisha. Inzaayimiin kun caasaa ringii beta-lactam kan qorichaawwan akka Penicillin hidhu liqimsee caccamsuun, summaa’ina qorichichaa guutummatti dhabamsiisa.

Jahaffaa DNA ofii jijjiiru

Baakteeriyaan kun dandeettii DNA ofii jijjiiruu qaba, akka fakkeenyaatti Qoruchi (Ciprofloxacin) DNA gyrase fi topoisomerase IV irratti hojjeta. Garuu baakteeriyichi genes gyrA fi parC keessatti jijjiirama mutations horachuun qorich (ciprofloxacin) akka hin hojjenne taasisa. Kanaaf dandeettiin dhibeen Cobxoo dawaa kana dandamachuu ciprofloxacin resistance addunyaa irratti baay’ee ol ka’e.

Sababni Torbaffaan qoonqoo keessatti dhokachuu dha. 

Cobxoon qoonqoo keessatti dhokatee jiraachuu danda’a yeroo baay’ee mallattoo malee tura. WHO’n akka ibsutti, qorichoonni farra baakteeriyaa baay’een Cobxoon qoonqoo keessatti dhokachuu waliin walqabatu;

Qorichi bakka sana sirriitti gahuu hin danda’u, akkasumas baakteeriyaan Cobxoo qoonqoo keessatti gosoota baakteeriyaa (Neisseria) biroo waliin genetic exchange uumuuf iddoo mijataa dha.

kana Malees wantoonni dhibee kana akka dawaa dandamatu godhan jiru garuu isaan kun ijoo dha. Sababni Dawaa Dandamachuu (Antibiotic Resistance) Dhukkuba Cobxoo kanneen armaan olitti ibsaman kunneen gariin isaanii gocha keenya wajjin wal qabatu, fakkeenyaaf dawaa fudhataa addaan muruu fi ajaja ogeessa fayyaa malee dawaa fudhachuun balaa kana dabaleera! Akkasumas Cobxoon ofuma isaatiif Jijjiiramoots adda addaa uumee dawaa jalaa miliquu, dawaa wajjin wal barachuu, dawaa hojiin ala gochuu danda’a.

Furmaanni isaa inni jalqabaa qorannoo malee qoricha antibiotics fudhachuu dhiisuu dha. Namni fincaan gubuu, dhangala’aa qaama saalaa keessaa bahuu, dhukkubbii kormaa, dhukkubbii garaa jalaa, yookaan mallattoo STI shakkisiisu qabu ofiin dawaa Cobxoo bitatee fudhachuu hin qabu. Dura qorannoo STI gochuun, dhibeen Cobxoo moo, Chlamydia moo, UTI moo, yookaan dhibee biraati kan jedhu dhibee kamiin akka ta’e adda baafachuun barbaachisa.

Cobxoon dhukkuba dhuunfaa qofa miti; rakkoo fayyaa hawaasaa ti. Namni tokko ofiin dogoggoraan yaalamuun isaa, isa qofa hin miidhu; strain dawaa dandamatu hawaasa keessatti akka babal’atu carraa bana. Kanaaf Dhukkuba Cobxoo “dhukkuba baakteeriyaa salphaa” jedhamee tuffatamuu hin qabu. Rakkoon isaa amma akka duraanii miti: baakteeriyaan xiqqoon kun antibiotics keenya irratti leenjii guddaa fudhachaa jirti. Yaalli sirrii qorannoo, dose sirrii, partner treatment, fi surveillance wajjin yoo hin taane, baakteeriyaan Neisseria gonorrhoeae gara “super gonorrhea” jedhamuuf daran dhiyaachuu danda’a. Yaala isaa keessatti of Eeggannoo guddaa gochuun barbaachisaa dha.

Yaala Aadaa Dhukkuba Cobxoo 

Giddugala Yaala Aadaa keenya keessatti dhukkuba Cobxoof Dawaa afaaniin fudhatamu kan Mala Dhibee kana Fayyisuu olaanaa qabu bifa Qulqullina ol’aanaa qabuun qophaa’e jira.

Yaaliin dhibee kanaa guyyaa 14-20 keessatti kan xumuramu yoo ta’u, namni kamiyyuu qaamaan dhufee yaalamuu fi guutummaatti fayyuu isaa ofiin mirkaneeffatee gara mana isaatti galuu danda’a.

Yaalaaf qaamaan nu bira dhufuun yoo isiniif Mijachuu baate Dhukkuba keessan nuuf ibsitanii biyya keessaa fi biyya alaa bakka jirtanitti tajaajila argachuu dandeessu. 🌍💊

Teessoon Magaalaa Ganda 01, Daandii guddaa Karaa bahiinsa Baalee, naannoo ’30’, mana murtii Godina Arsii Lixaa fuulduraan gara harka mirgaatti meetira 200 qofa seene argama.

Waajirri lammaffaan Shaashamannee Ganda 01 Naannoo Hoteela Hamiltaniin daandii kobilistoonii gara “Masjiida Al-Iimaan”tti, geessu harka mirgaa irratti argama.

Dhukkuboota Walii Galaa tiif, Lakkoofsa Bilbilaa: 0944119955, 0928795750 ykn 0909316243. irratti Ogeessoota Qunnamuu dandeessu.

Yaala Dhukkuboota Tiruu kan akka Vaayrasii tiruu Hepatitis B fi Cooma tiruu fi kkf lakkoofsa bilbilaa 091 033 3944 kana irratti Karaa whtsappii fi telegram messege nuuf Erguu dandeessu. Akkasumas Dhimma keessan karaa barreeffamaan SMS nuuf Erguu dandeessu!.

Faceboof Mana Qoricha Aadaa Oromiyaa Oromiyaa Follow godha

Madda Wabii Qorannoo Saayinsii References

1. World Health Organization (WHO). Multi-drug resistant gonorrhoea.

2. World Health Organization (WHO). Gonorrhoea — Neisseria gonorrhoeae infection.

3. World Health Organization (WHO). More countries report rising levels of drug-resistant gonorrhoea, warns WHO.

4. World Health Organization (WHO). Gonococcal Antimicrobial Surveillance Programme — GASP/EGASP.

5. Centers for Disease Control and Prevention (CDC). Drug-Resistant Gonorrhea.

6. Centers for Disease Control and Prevention (CDC). Gonococcal Infections Among Adolescents and Adults — STI Treatment Guidelines.

7. Centers for Disease Control and Prevention (CDC). Gonococcal Isolate Surveillance Project — GISP Profiles.

8. European Centre for Disease Prevention and Control (ECDC). Gonococcal Antimicrobial Susceptibility Surveillance in the European Union/European Economic Area.

9. Hooshiar MH, et al. Global trends of antimicrobial resistance rates in Neisseria gonorrhoeae: a systematic review and meta-analysis.

10. Mendes AC, et al. The frequency of mutations in the penA, mtrR, gyrA and parC genes of Neisseria gonorrhoeae, the presence of tetM gene and antibiotic resistance/susceptibility: a systematic review and meta-analyses.

11. Jacobsson S, et al. Antimicrobial resistance in Neisseria gonorrhoeae and its risk factors.

12. Ebrahimi E, et al. Global genomic and antimicrobial resistance profiling of Neisseria gonorrhoeae.

13. World Health Organization (WHO). Stopping multi-drug resistant gonorrhoea.

14. World Health Organization (WHO). WHO announces the development of recommendations on new oral antibiotics for the treatment of gonorrhoea.

15. Centers for Disease Control and Prevention (CDC). About Antimicrobial Resistance.